Forlaget skriver om denne boka:
I den hårreisande diktsamlinga Shortsen til far min tok Jon Hjørnevik for seg det komplekse, kjenslevare og opprivande forholdet ein ung mann kan ha til far sin. No er det mor som får gjennomgå, etter same lest.
I Mor mi står i glaset krinsar dikt etter dikt rundt tema som den gode husmor, den grufulle husmor, sår erotikk, nestekjærleik, oppvekst, utvekst, nesten-kjærleik, bygdetragediar, overarbeid, jobbfrustrasjonar og kveldsbøn som ikkje når fram til Gud. I bakgrunnen lurer framleis ein sint og alkoholisert far. Mor mi står i glaset er Hjørneviks andre komplette lyriske analyse av livet i ein gjennomsnittleg norsk heim. Verre kan det ikkje bli.