Forlaget skriver om denne boka:
I 1994 debuterte Fosse som dramatikar med einaktaren "Og aldri skal vi skiljast", og i år følgjer han opp med "Namnet". Det handlar om eit ungt par som dreg heim til foreldra hennar fordi dei manglar bustad og ho er høggravid. Dei nye konstellasjonane i foreldreheimen fører til samtalar som viser kor vanskeleg det er å forstå kvarandre og ta avgjerder. Alt berre skjer. Slik er "Namnet" eit tragikomisk stykke, heilt realistisk på eitt nivå, stilisert i ei slags mytisk-poetisk kraft på eit anna. Spelet hadde urpremiere til Festspela i Bergen, Den Nationale Scene 27. mai 1995.