Forlaget skriver om denne boka:
Saman med den kjende svenske biletkunstnaren har Jon Fosse skapt ei unik bok om eit litt uvanleg tema, ein guts tankar om verdsrommet. Kristoffer er åtte år, og om kvelden ligg han og tenkjer på verdsrommet. Sluttar det eller sluttar det ikkje? Det er like mogleg at rommet sluttar som at det ikkje sluttar, kjem Kristoffer fram til. Og når det er slik, kan vel så mykje vere mogleg? Boktittelen spelar både på tenkjaren Kant og på den kanten der guten tenkjer seg verdsrommet sluttar.