Serien Norsk Kulturarv gjev populærvitskaplege, gjennomillustrerte utgreiingar om ei lang rekkje spesielle emne frå norsk folkekunst og folkekultur i vidaste meining. Bøkene blir skrivne av framståande fagfolk på dei ymse områda, men forma slik at alle kan ha glede av å lese dei. Utvalet blir drøfta i ei gruppe av museumsfolk og andre vitskapsmenn.

Husmannstida

Enno lever det folk som er fødde og oppvaksne på ein husmannsplass, men for dei fleste er husmannstida historie - ei fjern fortid som til dels har fått romantikkens slør over seg. Tidast var det beinhard realisme og lite romantikk. Einar Hovdhaugen har studert husmannsskipnaden inngåande, særleg i heimetraktene sine i Gudbrandsdalen. I denne boka gjev han eit interessant oversyn for heile landet - frå skipnaden voks fram til han vart avvikla. Hovdhaugen dreg fram både negative og positive sider, og forklarer korleis ordninga med husmenn vart praktisert i dei ulike distrikt. Det rike biletstoffet utfyller teksten og gjer boka levande og lettlesen.