Hagevandring full av inspirasjon og tips! Bli med fotograf og forfattar Lisbeth Dreyer på ei hagevandring utanom det vanlege. Folka du møter i boka, har stor glede av å skape særeigne, miljøvennlege, frodige og fantastiske hagar på liten plass. Du finn også tips til korleis du kan skape grøne korridorar for bier og insekt, råd om kompost, korleis lage jord og så frø sjølv. Du treng ikkje store plassen for å dyrke urter, bær og grønsaker. Små hagar er full av flotte bilde av overraskande, fantasifulle og vakre hagar du kan nyte - og som kan inspirere deg til å gjere det grønt og vakkert der du bur! Lisbeth Dreyer er forfattar, fotograf og filmskapar frå Bergen. Ho har mellom anna laga dokumentarbøker, barnebøker og kortfilmar. Ho har også vore hageskribent og hagefotograf i mange år og meiner at hagar er viktige både for folkehelsa og omgjevnadene våre.
Hagefotografen og forfattaren Lisbeth Dreyer inviterer lesaren med på ei uvanleg vandring gjennom ulike folks små, men fantastiske hagar. Ho viser at ein ikkje treng store plassen for å skape ideelle omgjevnader for bier og insekt, og ein liten hage kan vere unik, miljøvennleg, såvel som frodig. Her får ein konkrete tips til korleis ein kan dyrke ulike vekstar, og korleis ein best lagar kompost, jord og sår frø sjølv. Dreyer har tatt bilete av hagar som er overraskande, fantasifulle og vakre. Det er hagar som kan inspirere andre til å kome i gang med sitt eige hageprosjekt. Forfattaren har skrive om og tatt bilete av hagar i mange år. Hagar er viktige for både omgjevnadene og folkehelsa vår, meiner ho. Omtalen er utarbeidd av BS.
