Dette er andre dagar er eit langdikt i ti delar, skrive frå mars til mai 2020, våren då me måtte sjå annleis på så mykje: tida, kroppen, fellesskapet og nasjonen. I diktet tek Ruth Lillegraven lesaren med til kjøkkenbenken, til heimeskulen, til plattingen og den lokale skogen - til eit liv som brått blei så lite. Men forteljinga gjer også store sprang tilbake i historia, ut i naturen, ut i verda og inn i framtida, med overraskande motiv og bilete, som eit eldgamalt islandsk drikkehorn, støvete kyrkjekjellarar og permafrosten i Alaska. Dette er andre dagar er ei personleg, men samtidig universell forteljing. For våren 2020 var også tida for dei store spørsmåla: kven er me, kvar kjem me frå og kvar skal me?
Dette er eit langdikt i ti delar, skrive frå mars til mai 2020, ein tid som innebar ei omvelting for alle. Verda blei reinare og klarare, men òg mindre. Nokon fekk mindre tid, mens andre fekk meir. Ein måtte omstille og tilpasse seg, vaske hender, halde avstand, samtidig som ein lengta etter at livet ein dag kunne gå tilbake til slik det var. Forteljinga gjer sprang til framtida, tilbake i historia, og ut i naturen. Ruth Lillegraven har tidlegare verte tildelt Brageprisen og Bokbloggernes åpen klasse-pris for diktsamlinga 'Urd' (2013). Omtalen er utarbeidd av BS.