«Liv andre har levd» er ein sanseleg familiekrønike med uforgløymelege hovudpersonar. Eilert Knudtson, som har farma på Alberta-prærien i meir enn tjue år, er komen til Norge for å treffe søskena sine igjen, og for å meistre sorga og saknet etter at kona Martha døde frå han, og dei åtte barna deira. Året er 1927, og det er trettifire år sidan han sist såg søskena sine. Seksten år gamle Lars Hoem, son av Anton Edvard, vil bli med onkelen tilbake til Canada. Han seier han må vekk fordi det er ein stein som skygger for sola der han er no. Lars Hoems liv i Canada blir ein mørk tråd som fører fram mot dei harde trettiåra. Eilert går inn i ein langvarig kamp for å overleva som farmar. Da han ikkje kan betale for tilleggsjord som han kjøpte tidleg på tjuetalet, tar styresmaktene jordseksjonane frå han og tvingar han til å bli leiglending. I 1930 gifter Eilert seg med enka Kate Ness. Barna til Eilert blir vaksne og forsvinn frå heimen. Den aldrande mannen kjempar mot tørke, haglstormar, grashopper og fallande prisar - for å vinne tilbake det han har tapt. Edvard Hoems nye roman stiller det fundamentale spørsmålet: Kor mykje bestemmer eit menneske si livsreise med eigen innsats, og kor mykje blir avgjort av krefter som vi ikkje kan gjera noko med?
Året er 1927, og Eilert Knudtson reiser til Norge for å møte søskena sine igjen. Det er trettifire år sidan han såg dei sist. Eilert reiser òg for å handtere sorga og saknet etter kona Martha sin død. Nevøen Lars Hoem, son av Anton Edvard, vil gjerne bli med onkelen tilbake til Canada. Han vil vekk, det er ein stor stein som skyggar for sola der han er no. Men livet i det nye landet blir heller ikkje problemfritt for den unge mannen. For Eilert startar ein hard kamp for å overleve som farmar. Han har gjeld han ikkje kan betale, noko som fører til at styresmaktene tar jorda frå han og tvingar han til å bli leiglending. Dei neste åra blir ein kamp mot naturkreftene og fallande prisar – for å vinne tilbake det han har tapt. «Liv andre har levd» er den fjerde boka i Edvard Hoems store familiekrønike.
