Forlaget skriv om denne boka: Har du nokon gong tenkt på at ein elgjeger jaktar på elg, men kva med ein fallskjermjeger? Eller at alligatorsko er laga av alligatorskinn, men kva med hestesko? Visste du at det første talet som inneheld a, er atten, det neste er milliard? Er du illfus av og til? Og veit du kva pesshesta er for noko?

Bli med på ei oppdagingsferd i språkverda - ei verd full av merkverdige og spennande ord og bokstavar, og ein leikeplass med overraskingar på kvar side.

Gjennom humoristiske ordleikar vert barna oppmoda til leik med ord, uttrykk, ordtak og dialektord. Ei myldrande bok for både store og små, for språkinteresserte og dei som skal bli det.