I denne boka er heimstadsongar frå nord til sør i Norge for første gong samla. I dei over 200 songane er det kjærleiken til heimbygda og heimbyen som kjem til uttrykk. Her finn du hyllestsongar til grenda, øya, dalen og fjordbotnen, til dei små plassane og dei store byane. Dei særegne by- og bygdesongane har i årevis blitt nytta i allsong ved folkefestar og merkedagar, og framleis blir denne tradisjonsrike sjangeren halden ved lag. Boka inneheld både eldre og nyare songar, og utvalet spenner geografisk vidt. Kvar song har melodilinje og besifring, og opplysninger om opphav.

Velle Espeland har stått for utvalet i boka, og har også skrive eit lengre forord til samlinga. Espeland er dagleg leiar ved Norsk Visearkiv, og har gitt ut ei rekkje bøker og artiklar om viser og folkekultur.