Ta plass, lukk dørene og bli med
Jernbane er meir enn parallelle jernskinner på kryss og tvers over Noreg og dei aller fleste land.
Jernbane er ingeniørar og anleggsarbeidarar og kokker og bygging av banar i landskap som ofte er lite gjestmilde. Jernbane er avansert teknikk, tunge og motorsterke lokomotiv og flytog som går over 200 kilometer i timen.
Jernbane er reiser, arbeidsreiser og Amerika-reiser i gamle dagar, besøket og turistreisa og interrailturen og syklinga med dresin på den nedlagde banen i vår tid. Det er tunge avskilsstunder og gledelege møte, nye venner og nye opplevingar.
Jernbane er norsk historie og geografi på ein gong, og det å lese om jernbane er å forstå meir av dette landet og historia vår dei siste 150 åra.
Full rulle på norske spor er skriven for ungdom mellom ni og femten - men også for andre nysgjerrige.