Denne boka tek for seg materialkvalitet i laftetømmer, slik som ein kan lesa han ut av ståande hus. Innfallsvinkelen er både teknologisk og historisk. Det er gjort ein nokså grundig gjennomgang av oppbygginga av ei bartrestamme. Ein rettar blikket både mot indre struktur og ytre form. Gjennomgangen av tømmeret i ståande hus er gjort i eit historisk perspektiv. Boka syner ein påfallande parallellitet mellom kvaliteten i hustømmeret og den skogteknologiske og skogpolitiske historia. Grunnlaget for boka ligg i intervju og samarbeid med eldre tømrarar i tillegg til at det er gjort ein omfattande dokumentasjon av ståande hus.

Boka er skriven for allment interesserte. Med materialteknislte briller på nasen får vi nye dimensjonar til opplevinga av og forståinga for den eldre trehusbygnaden vår. Boka er såpass detaljert at ho vil kunne vera til god praktisk nytte jamvel for den som skal restaurere eldre hus og for den som skal byggje nytt i gammal stil.

I. dag er det også spørsmål om impulsar til nytt næringsliv på bygdene. Ein del vil kunne nytte den tradisjonsborne materialforståinga som ein slags idebank i utviklinga av nye produkt.