Kva skjer i den nyaste litteraturen? Har du høyrt rykte om at den nyaste skjønnlitteraturen er humørlaus og sjølvoppteken? Det stemmer slett ikkje, skal vi tru Marta Norheim, ein av Noregs mest kjende kritikarar. I boka Oppdateringar frå lykkelandet guidar ho deg inn i det nye litterære landskapet. Materialet er utvalde bøker frå norsk skjønnlitterær prosa, romanar, noveller og korttekstar. Bøkene er i all hovudsak skrivne av forfattarar som har debutert etter 2005. Kva skriv dei nye forfattarane om, og korleis? For ti år sidan kom den første Røff guide til samtidslitteraturen. Marta Norheim har granska kva som har skjedd sidan den gong. Ti år er ikkje lenge, men overraskande nok fann Norheim ut at bøkene har andre tematikkar i dag. I dag blir det skrive om miljø og klima som aldri før, barndommen står svakare, men dei gamle er solid representerte, og den mannlege outsideren har fått selskap av den kvinnelege outsideren, noko som neppe er til trøyst for verken menn eller kvinner. Den nye litteraturen handlar om alt, med nokre interessante unntak, meiner Norheim.Boka er for alle som ønskjer å vite meir om samtidslitteraturen, lystlesarar så vel som fagfolk.
I denne boka guidar kritikar Marta Norheim oss inn i det nye litterære landskapet. Kva skriv dei nye forfattarane om, og korleis? Norheim tek for seg norsk skjønnlitterær prosa, romanar, noveller og korttekstar. Dei fleste av bøkene er skrivne av forfattarar som har debutert etter 2005. Det er ti år sidan førre bok, Røff guide til samtidslitteraturen. Norheim har granska kva som har skjedd sidan den gong. Ti år er ikkje lang tid, men likevel har bøkene andre tematikkar i dag. Miljø og klima er ein gjengangar. Barndommen står svakare i dag, medan dei gamle er solid representerte. Den nye litteraturen handlar om alt, meiner Norheim, med nokre interessante unntak. Boka er skriven for alle som vil vite meir om norsk samtidslitteratur, lystlesarar så vel som fagfolk. Omtalen er utarbeidd av BS.
