Treff

I diktsamlinga 'Robotsand' er dokka, både som leike og symbol, eit bilete på menneskeleg liv. Dikta er nærast ein slags kviskreleik, og lesaren tar sjølv del i lyttearbeidet. Her kan vi mellom anna høyre stemmene frå padledokker, gravgåver i det gamle Egypt og dokkene som er hengde opp i tre til minne om tapte barn på øya Isla de las Munecas. Svenske Åsa Maria Kraft sine dikt er opne og leikande. Her finst heimesnikra hundar som er plasserte i rundkøyringar og Hypsiphrone frå dei gnostiske skriftene. Forfattaren skriv bøker som leikar seg i grenselandet mellom poesi og prosa, og ho har motteke fleire prisar. Dette er fyrste gong ho er omsett til norsk. Dikta i 'Robotsand' er gjendikta av Martin Ingebrigtsen. Omtalen er utarbeidd av BS.