NORGES LÅVER er ein honnør til låven, det viktigaste norske uthuset. Landbrukets katedralar har vore landemerke i det norske kulturlandskapet dei siste hundreåra. Forfattar Eva Røyrane og fotograf Oddleiv Apneseth har reist gjennom heile landet for å fortelje historia om den norske låven. Resultatet har blitt til det største verket som er laga om denne delen av kulturhistoria vår. NORGES LÅVER er forteljinga om vår felles kulturarv, om eit bondeliv i endring og om Norge i dag.

Forfattar EVA RØYRANE (f. 1956) voks opp i Ølve i Kvinnherad på ein gard med raud låve. Som journalist i Bergens Tidende frå 1987 til 2013 har ho skrive mykje om bygdeliv, arkitektur og bygningsvern. Ho har blant anna også jobba ved NRK sitt distriktskontor i Sogn og Fjordane og er i dag tilsett ved Universitetet i Bergen. Røyrane har tidlegare gjeve ut bøkene Ei reise i Hardanger, Arkitekturguide Bergen og Fabrikkbyane i Hardanger - Husa i industrilandskapet.

Fotograf ODDLEIV APNESETH (f. 1955) bur i Bygstad i Sunnfjord Han var fotograf i Bergens Tidende frå 1987 til 2007. I 1997 fekk han 2. premie i den verdsomfattande konkurransen World Press Photo. I tillegg har han vunne prisen for Årets bilde i Norge 1994 og 2005, samt flei.re andre norske presseprisar. Han var festspelfotograf for Festspillene i Bergen i 2000 og 2001 og har medverka i 13 ulike bøker, mellom anna Jølster (SKALD 2010) og Tvisynt tvilar. Eit portrett av Oddvar Torsheim (SKALD 2001).