DEN RUSSISKE GRUVEBYEN PYRAMIDEN var ein av dei største busetnadene på Svalbard. Men på slutten av 1990-talet vart byen forlaten og står no som ein spøkelsesby inst i Billefjorden. Russarane reiste frå alt slik det var: I kulturpalasset stod ti tusen bøker i hyllene, i kinoen var filmarkivet komplett. På sjukehuset var det medisinar i hyllene, og legejournaliser låg oppslått. Det er som om folk når som helt skal komme attende og ta opp att arbeidet. I dei små husværa er det framleis møblar, og på barneromma heng bilete av gløymde artistar.